NRK Meny
Normal

Sander (16) skal vise seg fram for eliteserieklubb

Stryn-spelar Sander Amble Haugen (16) skal trena med Viking i Stavanger den neste veka.

Sander Amble Haugen

TRENINGSOPPHALD: Stryns sentrale midtbanespelar, Sander Amble Haugen, skal vise seg fram i Viking den neste veka. Tidlegare har han også prøvd seg i Feyenoord og Derby.

Foto: Privat

– Eg reiser ned søndag og skal vera der til fredag. Det er ein fin sjanse til å få vist meg fram og få kjenna på nivået, seier 16-åringen til NRK.

Etter å ha starta årets sesong med ein lyskeskade, har han spelt så godt som alle minutt for Stryn i tredjedivisjon på den sentrale midtbana.

Har trent med utanlandske klubbar

Dette blir ikkje første gongen 16-åringen viser seg fram for klubbar på høgare nivå. Tidlegare har han prøvd seg i nederlandske Feyenoord og engelske Derby. No går altså turen til Stavanger.

Sander Amble Haugen

TØFF MOTSTAND: Her er Sander Amble Haugen i duell med Aalesund Michael Barrantes i ein cupkamp i 2015.

Foto: Privat

– Det er ein bra klubb og dei satsar på unge spelarar. Det føler eg at kan passa meg bra, seier Haugen.

Sidan han fekk debuten for Stryn sitt a-lag, i ein alder av 14 år og ni månadar har det gått slag i slag for 16-åringen.

– Det vert eit par treningar om dagen der nede, så får vi sjå kva som skjer vidare, seier han.

Denne sesongen rykka Stryn ned til tredjedivisjon, trass i at dei kom på 10.-plass i avdelinga. Omlegginga til nytt seriesystem frå 2017 gjer at halvparten av laga rykka ned ein divisjon.

Men trass i nedrykket, 16-åringen ser ikkje bort frå at han fortsett i moderklubben.

– Stryn er ein bra klubb å utvikla seg i, så vi får sjå, seier han.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.