Sanden skuldar på rådmannen, igjen

• LES OGSÅ: Tilsette støttar rådmannen
• LES OGSÅ: Her er orsakinga frå Sanden

- Det er rådmannen som må ta skulda for at Lærdal ikkje får godkjent budsjettet sitt. Det meiner ordførar Arne Sanden.

Godtek ikkje budsjettet

Fylkesmannen har i dag sendt brev til kommunen om at budsjettet ikkje er godkjent etter at det har blitt gjort store påplussingar i investeringane.

Noko som Sanden føreslo mot rådmannen sin vilje.

LES OGSÅ: - Klokt av ordføraren å orsake

Meiner rådmannen har skulda

Men Sanden meiner han er heilt skuldlaus og rettar skytset mot rådmannen.

- Det har først og fremst samanheng med at administrasjonen hadde gjort vesentlege feil når det gjaldt momskompensasjon, seier han.

• LES OGSÅ: Aarethun ny leiar i Lærdal Ap

Budsjettet førte til krangelen

Det var budsjettet som førte til at krangelen mellom rådmann og ordførar braut laust for fullt for nokre veker sidan og som gjorde at Sanden truga Grytten med sparken.

No seier rådgjevar hjå Fylkesmannen Kåre Træen at Lærdal ikkje får godkjent budsjettet og må gjere arbeidet på nytt.

• LES OGSÅ: - Kommunal konflikt svekker omdømet

Manglar og stor pengebruk

- Vi har ikkje godkjendt budsjettet. Det var formelle manglar ved finansieringsbudsjettet. I tillegg må kommunen gå gjennom driftsbudsjettet sitt på nytt på grunn av store investeringar i 2010, seier Træen.

Men Sanden vil ikkje ta sjølvkritikk og legg all skuld på rådmannen. Det gjer han berre ein dag etter at han kom med ei offentleg unnskulding for å ha truga rådmannen med sparken.

• LES OGSÅ: – Sanden må ta skulda

- Peikar berre på fakta

- Når det gjeld det faglege innhaldet er det administrasjonssjefen sitt ansvar å sjå til det at dette er forsvarleg utgreidd, seier Sanden.

- Du rettar igjen skulda mot administrasjonen. Kan ikkje dette bli oppfatta som voldsamt?

- Eg påpeiker det som er fakta i saka, seier Sanden.

• LES OGSÅ: Sanden er sjukmeld