Dei meiner Sanden har oppført seg på ein uakseptabel måte. Gruppeleiarane skriv mellom anna at «kommunestyret, og ingen andre, har mynde til å tilsetje og/eller seie opp ein administrasjonssjef.» Dei presiserer og at ordføraren ikkje har fått fullmakt frå kommunestyret til ein slik framgangsmåte.
- LES OGSÅ: Alt om Arne Sanden-konflikta
- Uakseptabel oppførsel
Dette kjem fram i tilrådinga frå gruppeleiarane framfor det ekstraordinære kommunestyremøtet onsdag27. januar, der dette er einaste sak på saklista.
- LES OGSÅ:
- LES OGSÅ:
Tilrådinga til vedtak frå gruppeleiarane i Ap, Sp, SV, Høgre og Venstre kan ikkje oppfattast anna enn som knallhard kritik av ordføraren i Lærdal. I tilrådinga slår dei fast at rådmannen har både rett og plikt til å seie frå der han finn det rett etter lover og fullmakter.
- At rådmannen leverte protokolltilførsel i budsjettsaka og sa frå til formannskapet om det han meinte var forvaltningssstridig, er naturleg og ikkje kritikkverdig, skriv dei.
- Alvorleg sak
To ekstrene fagfolk har vore inne i saka for å mekle mellom dei to, utan hell. Krangelen har fått stor mediemerksemd, ikkje minst då ordføraren valde å halde ei pressekonferanse der han fortalde sin versjon av saka. Eit samla formannskap frårådde ordføraren å halde pressekonferansen. Sanden valde likevel å gjennomføre den.
- Han må difor ta ansvar for at ei intern sak i Lærdal kommune har utvikla seg til ei mediesak som har ramma kommunen, rådmannen og ordføraren hardt.
Gruppeleiarane minner også om at ordføraren er samrøystes vald av kommunestyret for å utføre gjerninga i samarbeid med formannskap og kommunestyre.
- Då kan ikkje ordføraren handle stikk i strid med råd frå eit samla politisk miljø i kommunen, slik ordførar Arne Sanden har gjort i denne saka. Lærdal kommunestyre ser alvorleg på desse sakene, heiter det i tilrådinga.
- Ventar endring
- LES OGSÅ:
Gruppeleiarane er ikkje nådige med Sanden. No ventar gruppeleiarane at han endrar arbeidsmåten sin framover, og at han og rådmannen legg striden bak seg og samarbeider.
Gruppeleiarane er samde i at konflikta har råka heile lærdalssamfunnet hardt, og at det er Sanden som står ansvarleg for det.
Lars Petter Nesse, fungerande ordførar, nektar å kommentere saka før møtet i kommunestyret.