Ordførar Anders Ryssdal. Arkivfoto NRK
Ordførar Anders Ryssdal i Gloppen har innsett realitetane:
- Det blir nok mest truleg eit mindre prosjekt enn det som var skissert tidlegare, seier han i dag.
Nasjonalt pilotprosjekt
Den planlagde trivselshagen på Sandane skulle bli eit nasjonalt pilotprosjekt av dimensjonar. 13.000 kvadratmeter skulle romme alt frå kommunehelseteneste til kinosal under eitt og same tak. Prosjektet skulle styrke næringsutviklinga, skape fleire nye arbeidsplassar og styrke det førebyggjande helsearbeidet.
Høybråten med ekstraløyving
Sosialkomiteen med statsråd Dagfinn Høybråten i spissen var så begeistra at dei løyvde 900.000 til utgreiinga.
Men no er pengane brukte opp, og staten har vinka farvel. Dermed står kommunen igjen saman med fylkeskommunen.
Halvert trivselshage
Hovudprosjektet hadde ein totalsum på 157 millionar kroner. No handlar det om ein mindre trivselshage til 86 millionar. Skepsisen frå rådmannen i Gloppen har vore stor, og trass i store oppsamla underskot, må administrasjonen no få på plass 40 millionar.
Og frå 2007 må innbyggjarane truleg ut med eigedomsskatt for å skaffe nok pengar til prosjektet.