Politiet vil framleis ikkje seie noko om dødsårsak

– Det er av omsyn til etterforskinga, seier regionlensmann Asle Karoliussen.

Fredag vart Veronica funnen omkomen i Barsnesfjorden. 22-åringen hadde då vore sakna i nær tre veker. Tysdag blei det kjent at politiet etterforskar dødsfallet som mistenkeleg.

• LES OGSÅ: Stadfestar at Veronica-saka blir etterforska som mistenkeleg dødsfall
• LES OGSÅ: Familien var budd på at dødsfallet ville få status som mistenkeleg

To spor

Tysdag opplyste politiet gjennom ei pressmelding at dei fram til 14. november hadde handtert saka i to spor. Samstundes som politiet har søkt etter den sakna 22-åringen i hennar nærområde, har dei parallelt gjennomført etterforsking med tanke på å kartleggje kva som kan ha tilstøytt ho.

(SAKA HELD FRAM UNDER VIDEOEN)

Stegegjerdet vart obdusert ved Gades institutt i Bergen i helga. Av omsyn til den pågåande etterforskinga vil politiet så langt ikkje offentleggjere innhaldet i obduksjonsrapporten

– Det får vi kome tilbake til på eit seinare tidspunkt, kva vi eventuelt skal gå ut med av opplysningar.

• LES OGSÅ: TV2: - Veronica døydde truleg av drukning
  
• LES OGSÅ: - Alle vert råka når vi mistar nokon, seier Sogndal-ordføraren

Etterforskar breitt

Kring 60 personar har vore inne til avhøyr som vitne. Ingen har status som noko anna enn vitne i saka.

– Det viktigaste no blir å halde fokus breitt, og i utgangspunktet ikkje utelukke noko, og vi må jobbe med å kvalitetssikre dei opplysningane vi får.

Mellom 15 og 20 polititenestemenn jobbar no med å få svar på kvifor kvinna drukna, og kva som fekk henne til å reise frå bustaden utan mobiltelefon, kredittkort og hunden hennar.

– Vi har som mål å avklare forhold som kan kaste lys over hendinga og dødsfallet, så får vi sjå i kva grad vi klarar det, og på kva måte vi skal kunngjere det.