Den tiltalte er framleis sikta for falsk forklaring i saka.
Veronica Heggheim Stegegjerdet vart meldt sakna 28. oktober i fjor og ein stor leiteaksjon vart sett i gong. Den 14. november vart ho funnen død ved Barsnesfjorden i Sogndal. Obduksjonsrapporten viste at dødsårsaka truleg var drukning.
I desember vart ein mann i 40-åra sikta for lekamskrenking, falsk forklaring og narkotikabrotsverk.
Saka er no sendt til statsadvokaten i Møre og Romsdal og Sogn og Fjordane. Påtalemakta tilrår at valdssiktinga blir lagt vekk.
– Vi ventar no på avgjersle frå statsadvokaten, skriv familiens bistandsadvokat i ein SMS.
Ho skriv vidare at dei no skal i eit møte med politiet for å få ei orientering om den andre runda av etterforskinga, som vart avslutta i sommar.
– Ut over det har eg ingen anna kommentar no, anna enn at det sjølvsagt er svært vanskeleg for familien til Veronica at etterforskinga ikkje leia til svar.
- Les også:
- Les også:
Dei andre tiltalepunkta, som gjeld falsk forklaring og brot på narkotikalovgivinga, vil bli oversendt statsadvokaten seinare. Dette er fordi den sikta har gjort nye lovbrot i sommar, for å ha køyrt utan gyldig førarkort og for eit mindre brot på narkotikalovgivinga.
Det er forventa at statsadvokaten vil få denne saka oversendt i løpet av neste veke.