–Eg er veldig spent. Eg kjenner at eg skal springe snart. Det kriblar i muskulaturen, seier Øyvind Strømmen Kjerpeset.
NRK.no fekk nokre ord med 400 hekk-spesialisten frå Florø, berre nokre timar før han skal i aksjon i sesongens til no store høgdepunkt: Bislett Games.
Der skal han revansjere seg etter at det på heimebane sist helg.
- SJÅ BISLETT GAMES DIREKTE HER FRÅ KLOKKA 17:50.
(Artikkelen held fram under direktesendinga)
DIREKTE: Her kan du sjå Diamond League Bislett Games direkte. Øyvind Strømmen Kjerpeset skal springe 400 meter hekk klokka 19:52.
– Det er mogleg å setje ny rekord
For etter at han før sesongen gjekk ut med ei målsetjing om å senke den norske rekorden med eitt sekund i løpet av sommaren, vart tredjeplassen i Florø ikkje heilt som forventa. Tida 50,78 er langt bak ambisjonen om å komme seg under 49-grensa.
Det er berre fire dagar sidan.
– Eg har restitutert meg så godt eg kan. Og så har eg trent på hekkerytme og å treffe hekkane. Eg håpar skal gå fortare i dag, seier han.
- LES OGSÅ:
- LES OGSÅ:
Sjølv meiner han dessutan at den mykje omtalte skaden i foten har blitt betre.
– Kva tenkjer du så om sjansane dine?
– Dersom ting går veldig bra, så er det mogleg å springe ned persen min og setje ny norsk rekord. Det er det eg satsar på, seier Strømmen Kjerpeset.
– Presterer godt med sterke folk
Han veit at han driv ein særs krevjande idrett, der marginane slår veldig ut. For å setje ny norsk rekord må alt klaffe. Han har sjølv den norske rekorden på 49,95.
- Skilnaden på 49 og 50 sekund er berre eitt sekund - og det kan vere at berre éin dårleg hekk kan skilje eit godt og eit dårleg løp. Eg må vere fokusert heile vege, seier florøværingen.
I kveld spring han i eit godt heat, med mellom andre den sterke tikjemparen Ashton Heaton på startstrek.
– Det er vel første gongen eg har sprunge i eit verdsklasseheat. Men eg likar litt ekstra press - eg veit eg kan prestere bra med gode folk i feltet, seier Strømmen Kjerpeset.
