– Dette har vore på agendaen i Utdanningsforbundet i mange år, seier Steinar Strømsli, som er leiar i Utdanningsforbundet i Sogn og Fjordane.
Rådet som no er oppretta består av fem representantar frå lærarprofesjonen som har sitt daglege arbeid i barnehage, skule, støttesystem og lærarutdanningar, og fire representantar med annan relevant fagkompetanse.
Rådet er oppretta av sentralstyret i Utdanningsforbundet, men skal uttale seg fritt og vere eit rådgjevande organ i prinsipielle etiske spørsmål.
– Det skal ikkje vere noko sanksjonsorgan, men heller støtte opp om, og fremje verdiane i den etiske plattforma i lærarprofesjonen, seier Strømsli.
Ein av ni
Lektor ved Firda vidaregåande skule, Sine Charlotte Gade, er ein av ni rådsmedlemmer som er oppnemnde av Sentralstyret i Utdanningsforbundet.
SAL SITTE I ETISK RÅD: Sine Charlotte Gade, lektor ved Firda Vidaregåande skule på Sandane.
Foto: Privat– Det er eit viktig bidrag til å få auka fokus på profesjonsetikk, seier Gade.
Gade er utdanna innan faga idehistorie, religion og samfunnsdag. I dag underviser ho i faga samfunnsfag, politikk, menneskerettar og sosiologi ved Firda vidaregåande skule på Sandane i Gloppen.
– Eg har også tidlegare undervist i Danmark i faga filosofi, vitskapsteori og religion. Så eg har ein fagleg bakgrunn som kan vere til nytte når det gjeld ein del av dei temaa som vi skal ta opp i rådet.
Barnas beste
SET FOKUS PÅ ETIKK: Steinar Strømsli er fylkesleiar i Utdanningsforbundet i Sogn og Fjordane.
Foto: Rune Fossum / NRK– I skule og i barnehage så jobbar vi i med barn. Det eine er at vi i skal lære fag, vi skal drive med læring. Barn skal oppleve leik og glede, og i det arbeidet med andre menneske er det viktig at vi har ein profesjonsetikk, seier Strømsli.
Han meiner det nye rådet vil gjere at ein blir meir medvitne på etikk i skule og barnehage.
– Eg tykkjer det er ein fin og spanande moglegheit å opprette eit slikt råd for å sette fokus på profesjonsetikk, seier Gade.
