Utstyret som i løpet av det komande halvåret skal på plass i samtlege ambulansar i Sogn og Fjordane, er avansert overvakingsutstyr som kan sende opplysningar om pasienten sin hjarterytme direkte til sjukehuset. Der kan ein spesialist raskt stille rett diagnose, som gjer at ambulansepersonellet umiddelbart kan gå i gang med den behandlinga som er mest tenleg.
Inneheld hjartestartarar
I tillegg til å kunne sende digitale EKG-signal til sjukehuset, inneheld det nye utstyret også meir moderne hjartestartarar.
Når behandlinga av hjarteinfarkt og andre hjarteproblem no skjer raskare, kan det førebyggje varige hjarteskader hos mange pasientar.
Kostar sju millionar
Alt i alt har Helse Førde sett av sju millionar kroner til å utruste ambulansane her i fylket. Ambulansetenestene i Sogndal og Luster er først ute med installering og opplæring i dei nye funksjonane.
Sogn og Fjordane er eitt av dei siste fylka i landet som tek i bruk denne teknologien