Nordmenn sperrar oftast vegane

Men tal frå vegvesenet viser at i fleirtalet av tilfellene i år, er det dei norske sjåførane som har skulda.

• LES OGSÅ: Hektisk vinter for bilberginga
• LES OGSÅ: Så mykje har fjella vore stengde

- Dei norske må lærast til å tilpasse farten kanskje litt meir etter forholda, køyrer kanskje litt lengre utan å legge på kjettingar og får då større problem når uhellet først er ute, seier avdelingsdirektør Nils Magne Slinde i Statens Vegvesen.

- For tøffe krav

Tittelen "Utanlandsk vogntog sperrar veg" har vore mellom dei mest brukte overskriftene denne vinteren. For første gong har Statens Vegvesen sett på kven som stengjer vegane i Sogn og Fjordane og Hordaland.

• LES OGSÅ: Bilbergarar tek utanlandske vogntog i arrest
• LES OGSÅ: Lastebileigar:- No må det skje noko
• LES OGSÅ: «Livsfarleg vogntog» fekk køyre

Tala viser at i 46 av 78 stengingar etter jul, så var norske vogntog involvert.

Avdelingsdirektør i Statens Vegvesen, Nils Magne Slinde trur tøffe leveransetider kan vere årsaka til at sjåførane firar på forholdsreglane.

- Kanskje vi som kjøper tenester av dei norske transportørane, ikkje må vere så tøffe i krava vi stiller til leveransetidspunkt, seier Slinde.

- Naturleg

Med flest norske vogntog på vegane, meiner fylkesleiar i Norsk Lastebileigarforbund, Per A. Øren, det er naturleg at norske vogntog oftast stengjer vegane. Samanlikna med utanlandske, er norske vogntog overrepresenterte på vegane.

Han er usamd i Slinde sine påstandar om at dei norske vogntogsjåførane slurvar og meiner dårlege vegar er hovudgrunnen til at både norske og utanlandske førarar hamnar i ulukker og uhell.

- Det er eit kjempeproblem med så dårlege vegar og så dårleg vedlikehald som det er rundt omkring. Så fører det både til utforkøyringar, stogg, ras og alt mogeleg, seier han.