– Det er ikkje så verst effekt av arbeidet dette, seier lensmann ved Førde- og Naustdal lensmannskontor, Jan Egil Tvinde.
Førre helg kom ein innbrotstjuv seg unna med pengar frå restaurantane Pikant og Picasso i Førde sentrum, der det også var innbrot hjå ein frisør.
Tysdag vart ein mann i 40-åra vart varetektsfengsla i fire veker, mistenkt for brotsverka i sentrum. Samstundes fortalde Tvinde at dei hadde arrestert ein mann i 50-åra, mistenkt for tre tilfelle av innbrot og hærverk ved Coop-kafeen på Nyborg og Førde camping aust for Førde sentrum
– No er begge varetektsfengsla. Mannen i 50-åra vart varetektsfengsla for fire veker på onsdag, opplyser Tvinde i dag.
Lensmannen er svært nøgd med korleis politiet takla situasjonen som møtte dei måndag morgon.
– Vi tok tak i det fort, og det har vore viktig for å hindre nye innbrot. Allereie onsdag var begge mistenkte arresterte. Det må vi kalle vellukka.
– Godt politiarbeid denne veka?
– Vi må absolutt kalle effektivt arbeid, seier Tvinde.