– Vi har vore her ni år på rad no, men det har ikkje vore ein eigen utkantsong, så då var det heilt naturleg for oss å lage den, seier Sondre Matre Andersen.
Høyr songen her:
– Vi hadde jo ein ide om korleis songen skulle høyrast ut. Så sat vi oss ned for å skrive, og etter kvart kom vi fram til det resultatet vi har i dag, seier Sondre.
Vart ein hit på Spotify
Brørne la songen ut på Spotify, og med tida har det vorte ein hit i området rundt Masfjorden. På sjølve Utkantfestivalen kan ein høyre songen frå ymse båtar i kveldinga.
– Det er jo det som er målet, at folk skal høyre på han her på Utkant og at songen skal lage god stemning. Det er ganske artig å høyre seg sjølv borte i ein båt plutseleg.
Brørne kjem frå det som kanskje er kjerneområdet til Utkantfestivalen. Som mange andre kystfolk kjem dei med sin eigen båt kvart einaste år.
For folk i området nord og sør for Gulen ser det ut til å vere mange som har Skjerjehamn som fast haldepunkt kvar sommar.
- Les også:
Kjem tilbake kvart år
– De har altså vore her ute nesten alle åra som festivalen har vorte arrangert, kva er det som får dykk tilbake hit kvart år?
– Det er stemninga og båtlivet. Det er heilt fantastisk stemning her ute. Du kan helse på alle, og alle er blide og i godt humør heile tida, seier brørne.