NRK Meny
Normal

Lokkar store artistar ytst ut i havgapet

SKJERJEHAMN (NRK): Utkantfestivalen trekker internasjonale artistar andre festivalar berre kan drøyme om. Og det heilt ytst ute i havgapet, i ei grend som eigentleg var fråflytt og forfalle.

Veronica Maggio

POPDRONNING: Veronica Maggio har spelt på mange store areanar dei siste åra, men kanskje ikkje på ein stad som Skjerjehamn

Foto: Johannessen, Sara / NTB scanpix

– Vi har jo haldt på med dette ei stund no, også brukar vi veldig mykje tid på booking. Vi jobbar med dei artistane vi har lyst på lang tid i forvegen, seier festivalsjef Viggo Randal.

Skjerjehamn/Utkant

SJEFEN: Viggo Randal er sjefen for Utkant, og skal ha mykje av æra for den imponerande line-upen i år

Foto: Åsta Urdal / NRK

Og resultatet er imponerande. Artistar som The Dandy Warhols og Veronica Maggio har kanskje ikkje spelt for eit knippe regnvåte menneske i eit fiskever før, men i Skjerjehamn verkar det heilt naturleg.

Kanskje er også den særeigne plasseringa av festivalen noko av forklaringa på suksessen. Det skal godt gjerast å finne ein meir kronglete stad å arrangere, men det skal og godt gjerast å finne ein meir veleigna konsertstad.

Teltgjeng

TELTGJENG: om ein ikkje har båt kan ein sove i telt

Foto: Jostein Vedvik Teltgjeng

Samhald rundt båtane

Sjøbuene heilt ute i Gulen låg heilt forfalle for litt over ti år sidan, men no kjem folk altså frå land og strand for å fylle dei med liv. Og dei fleste gjer det med båt.

Båtfolket på Utkant

VANSKELEG MED BIL: det er ikkje lett å kome til Skjerjehamn med bil i festiivaltida, så ein god båt er eit godt råd om du vil på utkantfestivalen

Foto: Jostein Vedvik

– Båtlivet er ein veldig viktig del av festivalen. Det er rundt båtane mykje av samhaldet på festivalen vert skapt, seier festivalsjefen.

Og folk kjem i alt ifrå små tresnekker til store fiskeskøyter. Det er derimot ganske få som kjem i bil, for då får ein ikkje eingong lov til å køyre ned til festivalområdet.

Festivalfolket ser likevel ikkje ut til å bry seg med det, men tek det meste med godt humør.

i gummibåt

GUMMIBÅT: ein båt av gummi er også ein båt

Foto: Jostein Vedvik

Bygde opp att Skjerjehamn

Også mannen bak fornyinga av Skjerjehamn er strålande fornøgd på tiårsjubileet for Utkantfestivalen.

Ola Braanaas

NØGD: Ola Braanaas likar det han ser på staden han bygde opp frå grunnen av

Foto: Rune Fossum / NRK

– Det er fantastisk å sjå korleis plassen vert brukt. Dette er heilt i tråd med intensjonen. Eg ville gjere noko med denne plassen, gje han nytt liv, og no er det jo absolutt liv her, seier Ola Braanaas.

Båtfolk på Utkant

BÅTSTEMNING: båten er ein viktig møtestad på utkantfestivalen

Foto: Jostein Vedvik

Han kjøpte den forfalne bygningsmassen i Skjerjehamn, og bygde opp noko heilt nytt. Han stod og bak å hente den fem meter høge statuen av Kong Olav til hamna. I sum la han grunnlaget for det som no er eit kystsamfunn som i allefall i den siste helga i juli yrar av folkeliv og fest.

– Det er ein heilt spesiell plass her ute. Nokon måtte gjere noko for å redde denne staden, og den kunne like godt vere meg som nokon andre, seier Braanaas.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.