Det som byrja med stengde tunnelar grunna luftforureining, vart etterkvart til motorhavari og ny tunnelstenging i påvente av bilberging i Flenjatunnelen.
Samstundes hopa trafikken seg opp.
– Vi stod kring 50 minuttar ved utløpet av Onstadtunnelen, men no beveger altså den enorme køen seg i alle fall, seier NRK-journalist Jon Bolstad.
– Trafikken går fint
Bolstad er på veg tilbake til Bergen etter påskeferie, men som så mange andre påsketuristar vart returen til kvardagen langt meir langdryg enn vanleg.
Ekspressbussen var i utgangspunktet ein time forseinka grunna problem på ferjesambandet Mannheller - Fodnes. Oslo-bussen kom med ei ferje som fekk tekniske problem og som måtte gå til Lærdal. Då bussen omsider gjekk, kom den ikkje lenger enn til Onstadtunnelen.
– Det er nokre kilometer til Gudvangatunnelen herifrå, vedgjekk Bolstad like over klokka 17.
Ein time seinare er trafikken komen i gang att.
– Det er kø, men trafikken flyt. Det er mykje trafikk i dag, seier Bolstad.
