Nettavis hevdar Premier League-klubb er på jakt etter Otoo

Sportskanal hevdar Premier League-klubb jaktar Sogndal-spiss Mahatma Otoo.

Mahatma Otoo

KJEKT: Mahatma Otoo har ikkje fått noko beskjed frå agenten sin, men tykkjer det er kjekt at storklubbar held eit auga med jobben han gjer i Sogndal.

Foto: Morten Olsen / Digitalsport

Nettsida HITC Sport hevdar Premier League-klubben Watford er på jakt etter Sogndal-spiss Mahatma Otoo.

Ifølgje nettsida vert 23-åringen også følgt med argusauge frå både Bundesliga og Serie A i Italia.

Otoo sjølv har ikkje hatt noko kontakt med klubben.

– Men eg har registrert det som er skrive på nettsida og på Instagram. Meir veit eg ikkje, seier Otoo.

Kjekt å bli sett

Han legg til at han tykkjer det er gjævt at klubbar i utlandet følgjer med på det han gjer i Sogndal. Då han signerte for Sogndal i 2013 var han klar på at han ville bruke Sogndal som utviklingsarena.

– Eg har det godt i Sogndal, og dei har gitt meg ei god plattform. Men det er klart det er kjekt å vite at større klubbar følgjer med på det eg gjer, seier Otoo.

Han har ikkje vore i kontakt med agenten sin om saka.

– Nei, eg reknar meg han tek kontakt med meg dersom det er noko i det. Enn så lenge er dette berre rykte, seier Otoo.

Skjermdump frå HITC Sport

SKJERMDUMP: Nettsida HITC Sport meiner å vite at mellom anna Watford har kasta auga sine på Sogndals Mahatma Otoo.

Foto: HITC Sport / Skjermdump

Lause rykte

– Her har ikkje vore noko kontakt, og eg forheld meg ikkje til lause rykte og spekulasjonar på nettet, seier Sogndal-trenar Eirk Bakke.

Eirik Bakke

UNNER HAN SJANSEN: – Ingen ting ville glede meg meir enn om Mahatma Otoo fekk ein slik sjanse, seier Sogndal-trenar Eirik Bakke.

Foto: Steinar Lote / NRK

Han seier at det er mange tippeligaklubbar i Norge som er interessert i Songdalspissen.

– Han må nok prestere på eit høgare nivå enn han gjer i dag, dersom han skal vere interessant for ein klubb som Watford. Ingenting vil gle meg meir enn om han fekk ein slik sjanse, men per i dag er han Sogndal-spelar.

Tek sjansen dersom han får den

– Er Watford ei klubb du kunne tenkje deg å gå til?

– Som spelar er det naturleg å ønskje seg til større klubbar på sikt. Skulle eg få sjansen, kjem eg til å ta den, viss det passar slik, seier Otoo.

Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.