- Det skjedde veldig fort, og det var lite legane kunne gjere, seier Barry Kader til Sogn Avis.
Han er no på La Manga, der han saman med resten av Sogndal førebur seg på seriestarten i den norske eliteserien.
- LES OGSÅ:
Får ikkje møte familien på lenge
Det var rett før Sogndal sist var på treningsleir - i midten av januar - at tragedien råka Kader og familien hans i Elfenbeinskysten:
Den 18 månader gamle sonen hans døydde etter eit kort sjukeleie.
Kader reiste då heim i nokre veker i samband med dødsfallet, men no må han ifølgje Sogn Avis klare seg utan familien i ein lang periode. Korkje kona eller sonen på fem år har nemleg visum til å komme inn i Norge.
- Må gjere mitt beste for familien
Samstundes er heimlandet herja av sterke konfliktar. Elfenbeinskysten er på randen av borgarkrig etter presidentvalet i november.
- Eg snakka med kona mi seinast i går, og ho sa at det er slåsting i gatene kvar dag. Eg er veldig redd for kva som kan skje med familien min, og det gjer det vanskeleg å fokusere på fotballen, seier Kader til Sogn Avis.
LES OGSÅ:
- Samstundes er det kona og sonen min eg spelar for no, så eg må likevel prøve å gjere mitt beste, seier han til avisa.