FINT MOTIV: Kristin Mardal fann dette fine motivet ved Røsskleivvatnet.
Foto: Kristin MardalHausten har vore solrik så langt i Sogn og Fjordane, og meteorolog ved Vêrvarslinga på Vestlandet, Geir Ottar Fagerli, kan love godvêr også denne helga.
– Å kalle oss vêrvinnarar denne hausten passar godt. No i morgontimane er det litt overskya i fylket, særleg i indre Sogn. Utover dagen vil det lette, og fredagen kjem til å bli fin. Også laurdag blir bra, men truleg vil det skye over på søndag.
Vêrskifte
VÊRSKIFTE: Her går sola ned ved Utvær. Neste veke skal vêret snu, så kanskje det blir færre slike solnedgangar i Sogn og Fjordane framover.
Foto: Gunn BirknesOgså i starten av neste veke skal vêret bli bra, men Fagerli fortel at høgtrykket no er på veg austover.
– Det skjer litt endringar utover i neste veke. Høgtrykket som har gitt oss mykje fint vêr i haust er no ferd med å trekke langt inn i Russland. Då er det fritt fram for lågtrykk frå vest å legge seg her.
- Sjå også:
