Enno manglar politiet vitneavhøyr av nokre av passasjerane på ulukkesbåten. Det var i alt ni passasjerar i tillegg til den 57 år gamle båtføraren, som i går døydde på Førde Sentralsjukehus.
– Det som står att for å få full klarheit i det som skjedde er at vi må kome i kontakt med og avhøyre nokre av dei utanlandske passasjerane på rib-båten. Vi har innhenta ein del opplysingar, men det er for tidleg å seie noko om årsaka, seier Egedal.
– Kva gjer de av tekniske undersøkingar av båten?
– Torsdag fekk vi bistand av to personar frå Sjøfartsdirektoratet si avdeling i Florø. Dei gjekk gjennom det tekniske med båt og utstyr. Vi får ein rapport frå dei, før vi får den kan vi ikkje seie noko.
- Les også:
- Les også:
– Eit mysterium
Han har ikkje noko forklaring på at føraren sokk, trass i at han hadde flytevest på seg.
– Det er framleis eit mysterium at han ikkje flaut. Vi har sikra oss vesten, slik at den kan undersøkast.
Egedal trur etterforskinga ikkje kjem til å ta særleg lang tid.