Legg bort den sportslege leiaren

Dei strukturelle endringane i det sportslege apparatet i Sogndal betyr at rolla som sportsleg leiar blir borte, skriv Sogn Avis.

Trond Fylling har tidlegare hatt denne jobben. Han skal frå neste sesong jobbe for klubben med base i Oslo.

– Vi ser behovet for å styrkje arbeidet med spelarkartlegging og talentspeiding. Der andre klubbar har fire millionar, har vi éin million. Difor er det lurt av oss å bruke ressursar på dette, seier dagleg leiar Egil Mundal til Sogn Avis.

Endringane betyr samstundes at assistentane Terje Skjeldestad og Håvard Flo tek over fleire av arbeidsoppgåvene som til no har lege under den sportslege leiaren.

• LES OGSÅ: Fosshaugane kan få kunstgras allereie neste sommar
• LES OGSÅ: Landets tettaste forsvar smuldrar opp

– Dei vil få oppgåver inn mot spelaroppfølging i eigen tropp, samt kartlegging av spelarar i Sogn og Fjordane, seier Mundal til avisa.