NRK Meny
Normal

Sogndal kortar ventetida med treningskampar

Sogndal Fotball får ei veke lenger fotballpause enn konkurrentane. – Etter ein månad pause er det viktig å få eitt par kampar for å kjenne på det att, seier trenar Eirik Bakke.

Eirik Bakke

NØGD: Trenar Eirik Bakke ser ikkje bort frå at det kan bli endringar i spelarstallen i løpet av fotballferien.

Foto: Oddleif Løset / NRK

Serieleiaren i 1. divisjon tek fotballferie etter søndagens borteoppgjer mot Strømmen, som enda 1-1.

Grunna skifte av undervarmesystemet på Fosshaugane, får Sogndal Fotball ei veke lenger pause enn konkurrentane.

– Spelarane får ti dagar fri til vi startar treninga att, men så må vi byrje å fokusere på tøffe kampar i haust. Då er det inga betre trening enn å spele fotballkampar, seier Eirik Bakke.

Møter Førde

Eirik Bakke

NØGD: Trenar Eirik Bakke ser ikkje bort frå at det kan bli endringar i spelarstallen i løpet av fotballferien.

Foto: Oddleif Løset / NRK

For medan 1. divisjonsfotballen rullar att i slutten av juli, er det først 3. august at Sogndal skal i dyst att. Då mot Ranheim. Det blir vel lenge utan å ha fått testa seg i kampsituasjon for eit opprykksjagande Sogndal-lag.

– Vi har allereie avtala treningskamp mot Førde i Førde, og jobbar med ein kamp til, seier Bakke.

2. divisjonslaget Førde tek sin ferie frå 12. juli til 2. august.

– Vi går begge ein viktig haustsesong i møte, så eg trur det blir eit godt høve for både oss og Førde å få spelt ein kamp. Og så er det jo kjekt å få møte eit fylkeslag, seier Bakke.

Truleg 2. divisjon

Ettersom fotballen rullar att både i eliteserien og 1. divisjon i slutten av juli, får ikkje Sogndal velje motstandarar frå øvste hylle i den andre treningskampen. Truleg blir det ein annan motstandar frå 2. divisjon.

Laster innhold, vennligst vent..

– Men det er meir enn godt nok for oss. Eg er meir oppteken av å få ein kamp til, enn kven vi møter, seier Bakke.

– Kjem de også til å nytte høve til å sondere eventuelle nye spelarar i ferien?

– Spelarar kan komme inn og spelarar kan gå, men eg er veldig nøgd med troppen eg har no. Så store forandringar blir det ikkje.

Laster innhold, vennligst vent..
Vegopning på Bergum i Førde kommune