Det bur tre personar i våningshuset på garden, men ingen av dei var heime då det byrja å brenne. Men kvinna som eig huset vart sende til legevakta med mindre røykskader etter at ho forsøkte å sløkkje brannen, opplyser politiet.
I tillegg til bygningane gjekk også ein bil og ein traktor opp i røyk.
Starta i skotørkar
Brannsjef Jarle Drageset seier at dei vil halde på med ettersløkking utover kvelden. Han opplyser at brannen starta i våningshuset på garden.
- Førebelse undersøkingar tyder på at brannen kan ha starta i ein skotørkar som stod på, seier operasjonsleiar Einar Vereide i Sogn og Fjordane politidistrikt.
Brannvesenet fekk melding om brannen litt over klokka 14.30 torsdag.
Det var ikkje dyr i driftsbygningen som brann ned.