Hovland spelar ikkje mot Rosenborg

Even Hovland (22) har framleis plager med overbelastning i lysken, og spelar ikkje kampen heime mot Rosenborg laurdag.

Even Hovland

Even Hovland tek ingen sjansar med lyskeproblema sine, og står over kampen mot Rosenborg.

Foto: Rune Fossum / NRK

Det melder Sogn Avis.

Tek ingen sjansar

Han har i lengre tid slite med lyskeproblem, og vel no å stå over kampen mot Rosenborg for å ikkje ta nokon sjansar.

– Det er betre, men eg kjenner det framleis litt, og vil ikkje ta nokre sjansar. Det er mange kampar att av sesongen, og då vil eg ikkje risikera å øydeleggja heile hausten, seier Hovland til avisa.

Eirik Bakke skal óg vera speleklar, og kjempar om den siste sentrale midtbaneplassen med Ørjan Hopen og Henrik Furebotn. Elvis er venta å vera den andre sentrale midtbanespelaren.

Publikumsrekord

Arrangementssjef Geir Inge Heggestad forventar 4000 tilskodarar til kampen laurdag, noko som vil bety publikumsrekord på nye Fosshaugane Campus.

Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.
Mange hoppbakkar i Norge ligg som attgrodde monument frå ei gløymd stordomstid. Og utan hoppbakkar forsvinn også skihopparane. Men på Hafslo i Sogn og Fjordane held brødrene Lomheim hoppsporten i live med hundrevis av dugnadstimar, i håp om ein gong å sjå nye rekruttar sleppa seg frå bommen.