Det seier Guro Loftesnes frå Sogndal. Saman med sonen Hermann fylgjer ho handball-EM i Kroatia tett frå tribuneplass.
Guro er sambuar med den norske stjernespelaren Kristian Bjørnsen. Saman fekk dei Hermann for 1,5 år sidan. Utstyrt med høyrselsvern og supporterdrakt er vesle Hermann den yngste supporteren i den norske kolonien på tribunen.
Avgjerande kamp i kveld.
I kveld klokka 18.15 spelar det norske laget avgjerande kamp mot Sverige. Håpet om å nå semifinalen lever, sjølv om det heng i ein tunn tråd. Noreg må vinna med minst 5 mål i kveld, samstundes som Frankrike må slå Kroatia.
– Det blir ein spennande dag, seier Guro.
– Å vinna mot Sverige med fem mål blir tøft, men spelar Norge på sitt beste kan dei vinna mot alle lag, legg ho til. . Ho har fylgt Norges veg til verdstoppen i herrehandball frå nært hald.
Duoen på tribunen vekkjer oppsikt.
Med Hermann i beresele på magen, høyrselsvern og smokk, vekkjer Hermann og mora oppsikt på tribunen.
Den kroatiske TV-produsenten har fleire gonger fanga dei i nærbilde, særleg når mora jublar for norsk skåring. Hermann er utrusta med høyrselsvern fordi støyen i hallen kan vera intens seier Guro, det gjaldt særleg då Norge spelte mot heimelaget Kroatia laurdag. Då var pipinga mot det norske laget frå det entusiastiske heimepublikummet sterk.
Høneblund
Smokken gir dessutan Hermann roa og moglegheit for ein høneblund gjennom kampen, humrar mora på telefonen frå Kroatia. Dei 2 får litt tid til samkvem med Kristian på fridagar, men elles lever dei separate liv under turneringa. Guro har med foreldre og venner som gir eit kjekt sosialt liv og støtte på tribunen og mellom kampane.
Til dagleg spelar Kristian Bjørnsen i den tyske toppklubben HSG Wetzlar, ein småby 45 minuttar utanfor Frankfurt. Sjølv om lønsnivået ikkje kan samanliknast med fotballen, lever me godt også på ei handballøn seier Guro Loftesnes.
Dei kom til Wezlat i 2016 og kontrakten til Kristian varer til 2021. Før det budde familien to år i Sverige der karrieren til Kristian Bjørnsen som internasjonal toppspelar verkeleg tok av.
Privilegerte
Me er privilegerte som får leva som me gjer seier Guro Loftesnes. Ho er utdanna lærar og brukar tida i Tyskland til vidare studiar, der også språkferdigheitene får seg eit kraftig løft. I ein idrettsnasjon med 80 millionar innbyggjarar har også Bundesliga i handball dessutan status.
Før kampen i kveld må dei lada ekstra godt opp. Som pappa Kristian må både god kvile, rett mat og drikke til for å bli kampklare.
– Når ikkje Norge semifinalen, er det sjølvsagt ein nedtur i forhold til forventingar seier Guro.
Ho har sjølv spelt handball på lægre nivå og er imponert over steget Norge har teke opp i verdstoppen, med sølv i sist VM som høgdepunktet.
– Dei kjem garantert tilbake seier Guro Loftesnes. Til neste sesong blir også vesle Hermann 2-åring og klar til å pakka ballen på parketten, med far Kristian som forbilde.