Måndag tok fleire av Høgre sine fylkespolitikarar turen til staden der partikollega Finn Ove Njøsen mista livet i ei sykkelulukke i Førde laurdag ettermiddag.
Njøsen var politikar for Høgre i bystyret i Førde og tidlegare fylkessekretær i partiet, og arbeidde som kommunikasjonsrådgjevar i Helse Førde.
Ein av dei som tok turen til ulukkesstaden i dag var fylkesgruppeleiar i Høgre, Noralv Distad.
– Finn Ove var ein fantastisk flott kar som gjorde ein stor innsats for partiet. Han var også ein god ven for mange av oss i partiet og dette er djupt tragisk. Derfor valde vi i dag å samla heile fylkestingsgruppa for å minna han. Det var ein sterk oppleving, men samstundes var det godt for oss å få tatt farvel med han på den måten, seier Distad.
– Ein markert skikkelse i Høgre
For partikollegaane vert Njøsen hugsa som ein tydeleg og rydding politikar.
– Det er ikkje tvil om at han har vore ein markert skikkelse i Høgre, både på fylkesnivå og i bystyret i Førde. For oss er dette veldig tungt, seier Grønnevik.
– Korleis var han som politikar?
– Finn Ove var kjend som ein politikar som var tydeleg på kva han stod for og meiningane sine. I politikken er det slik at ikkje alle har dei same meiningane, sjølv om dei er i det same partiet. Han var ein av dei som på ein ryddig og tydeleg måte gav uttrykk for sitt syn på ein ryddig og tydeleg måte.
Ulukka skjedde ved Flatene i Førde sentrum laurdag ettermiddag. På veg ned ein bakke mista Njøsen kontrollen på sykkelen og hamna utfor ein skråning