På eit oppvaskmøte måndag gjekk Helse Førde inn for å bli langt meir selektive i å ha fleire pasientar i same bil.
Fruktbare diskusjonar
Klinikkdirektør Terje Olav Øen seier at dei i tillegg vil prøve å hindre at pasientar i Bremanger må byte ambulanse undervegs.
- I heile teke så har vi hatt mange gode og fruktbare diskusjonar om den situasjonen vi er i. Vi slår fast at vi er på rett veg, seier han.
Pasienttransporten i Sogn og Fjordane har dei siste vekene stått i fokus i media. Margunn Ryland er ei av fleire som har stått fram og fortalt om rystande historier.
- Bør handle før
I førre veke fortalde ho korleis den svært sjuke 88 år gamle mora vart stabla på eit sete i tre og ein halv time fordi det skulle være to pasientar i bilen. Ho tykkjer at det er trist at sakene må i media før Helse Førde høyrer på dei.
- Det er veldig beklageleg at det skal så mykje til før dei som styrer og rår oppfatter dette, seier ho og er glad for at Helse Førde vil løyse situasjonen.