21-åringen frå Florø sprang tysdag i Karlstad Grand Prix i Sverige, men det gjekk ikkje heilt som han hadde håpa.
Kjerpeset sprang i mål på tida 51,06. Det er eit godt stykke under hans eigen norske rekord på 49,95. VM-kravet er fire tidelar under der igjen.
- LES OGSÅ:
– Litt surt
Hekkeløparen har denne sesongen gong på gong sprunge inn til sterke tider rundt 50 sekund, men tysdag var ikkje heilt dagen for Kjerpeset.
– Det var ikkje heilt etter planen, og eg veit ikkje heilt kvifor det vart slik. Alt vart liksom litt halvveges i dag. Det var ein del vind på bana, eg kjende meg ikkje heilt så bra som eg håpte på oppvarminga og eg klarte ikkje heilt å gire meg opp til eit kanonløp, seier han.
- LES OGSÅ:
– Det er litt surt, men det er slikt som skjer. Det er berre å sjå framover. Eg har framleis trua.
(Artikkelen held fram under videoen)
SJÅ: Øyvind Strømmen Kjerpeset med knalltid under Florø Friidrettsfestival.
Ein sjanse igjen
Kjerpeset har framleis ein sjanse igjen før fristen for å klare kravet går ut 29. juli. Den sjansen får han under Flanders Cup i Ninove i Belgia på laurdag.
– Der får eg eit godt felt og det er ei god bane, så eg håpar at alt skal klaffe då, så kanskje det vert VM-tur, seier han.
- LES OGSÅ:
Den unge hekkeløparen har fått mykje merksemd for prestasjonane hans denne sesongen. For hans eigen del var målet å komme med i U23-EM, som han deltok i tidlegare i sommar og, medan VM var ein draum langt der framme.
- LES OGSÅ:
– Etter kvart vart det noko som eg nesten kunne klare. Og om eg ikkje klarar det no så er det ikkje akkurat som om eg går glipp av noko eg burde klare. Eg er berre 21 år, og eg har tenkt å drive med hekkeløp i fleire år framover.
