– Det var berre springing på trening i dag, så det gjekk fint, seier Even Hovland.
Han har halde seg vekke frå Sogndal sine balløkter i to veker, men nærmar seg no friskmelding igjen. Det er godt nytt for Harald Aabrekk & co.
LES OGSÅ:
Var til undersøking hos landslagslege
Går alt etter planen, vert Hovland speleklar til neste seriekamp – mot Start på Fosshaugane 21. august.
– Eg håpar det skal gå, men vi får sjå an korleis progresjonen blir, seier Hovland.
Han har nyleg vore ein tur i Oslo, der han var til undersøking hos landslagslege Thor Einar Andersen.
Ein månad utan Hovland på bana
Etter alt å dømme har Hovland hatt ein strekk i muskulaturen, og den einaste medisinen var å ta det med ro.
– No har vi sydd eit opplegg, slik at eg skal komme meg fort tilbake. Eg treng å få tilbake ballkjensla, seier midtstopparen.
LES OGSÅ:
Siste kampen Hovland spelte var 1-0-sigeren heime mot Sarpsborg 17. juli. Sidan har han stått over oppgjera mot Rosenborg, Haugesund og Vålerenga.