– 681 personar er halve tettstaden, seier presseleiar i kriseleiinga, Odd Helge Brugrand.
Under storbrannen i Lærdal førre helg der 17 hus brann ned til grunnen, vart store delar av Lærdal evakuert. Den første meldinga om brannen i eit bustadhus i Lærdal kom klokka 22.54 laurdag kveld.
Fleire evakuerte
Brannen har rasa gjennom Lærdal heile natta og deler av sentrum vart lagt i ruinar. 30 bygningar vart øydelagt i brannen. 400 personar har vore til undersøking på sjukehuset.
- LES OGSÅ:
- LES OGSÅ:
Fram til no har talet på evakuerte brannatta vore rundt 400. Men det viser seg at nesten det dobbelte vart evakuerte.
Framleis usikkert
– Lærdalsløyri vart evakuert frå Hansegardsvegen og vestover til fjorden. Dersom ein ser på dei som er folkeregistrerte i området utgjer det 681 personar, seier Brugrand.
Likevel er ikkje dette talet hundre prosent rett heller.
– Tala er avhengig av at dei som står folkeregistrerte der var heime då det brann, seier han.
Dei nye tala viser også at det var 393 husstandar som vart evakuerte.