I nord blir folk bedt om å rydde i hagane og sikre båtar langs kysten, medan dei ventar på vinden som kjem. Her i fylket handlar det først og fremst om å bu seg mentalt på skikkeleg ruskevêr.
Skjønt, i fjella vil vi nok merke det vi òg. Her er det meldt kraftig vind i helga, utan at det inngår i ekstremvarselet meteorologane no går ut med.
– I høgfjella i Sør-Norge kan det bli orkan, men her har vi ikkje moglegheit til å gå ut med ekstremvarsel, seier statsmeteorolog Ine-Therese Pedersen.
- Les også:
- Les også:
Verst i nord
Orkan er den kraftigaste vinden som blir brukt i varsel og hender særs sjeldan. Slik vind kan gjere store øydeleggingar.
Det er Lofoten, Salten, Vesterålen og Sør-Troms som får det sterkaste vinden, slik prognosane ser ut no.
– Det blir ille. Vinden kan blåse over ein lang periode. På utsette stader kan det bli mange timar med orkan, seier Pedersen.
Ventar mykje vind i fjella
I Sogn og Fjordane er det laurdag venta vestleg, seinare nordvestleg storm i fjella. Vinden kan kome opp i orkanstyrke.
Men den vil kjennast godt på kroppen i låglandet òg, periodevis vil det vere stiv kuling utsette stader, frå ettermiddagen av sterk kuling og kan hende liten storm.
Frå laurdag er det venta regn, sludd og snøbyer i høgda, om kvelden også i låglandet.
- Skal du på skitur? Då bør du sjekke skredvarselet på varsom.no