Både ordførar Oddmund Klakegg (Sp) i Jølster, og partifelle og leiar i Stamvegutvalet, Jenny Følling, skulda regjeringa for løftebrot då løyvingane til E39-strekkja i Jølster ikkje kom i framlegget til neste års statsbudsjett.
- LES OGSÅ:
– Prosjektet er klar til å sette spaden i jorda, og med ei startløyving på 30–40 millionar kunne vi ha starta neste år. No må eg konstatere at eg må sette sjampanjen i kjøleskåpet, sa Følling.
– Direkte feil
AVVISER: Frank Willy Djuvik likar ikkje at regjeringspartia blir skulda for løftebrot.
Foto: Erlend Blaalid Oldeide / NRKFrank Willy Djuvik, fylkesleiar i Frp, forstår at folk er skuffa over at pengane ikkje kom, men avviser skuldingar om løftebrot.
– Det er direkte feil. Det er dei raudgrøne sjølve som bestemte at her skulle det vere oppstart i 2016/17, med restfinansiering i neste del av planperioden, seier han og legg til at regjeringa følgjer prioriteringa som er gjort i Nasjonal Transportplan.
Overtok underfinansiering
Djuvik viser til handlingsprogrammet den førre regjeringa vedtok i 2013. Der låg prosjektet inne med 50 millionar i oppstartsløyving i 2016 og 180 millionar i 2017.
– Då vi overtok regjeringskontora i fjor, så var det veldig stor underfinansiering på NTP frå den raudgrøne regjeringa som vi måtte følgje opp, seier han og legg til:
– Eg har god tru på at denne regjeringa kjem til å realisere Bjørset–Skei raskare enn det dei raudgrøne hadde lagt opp til. Men førebels har vi ikkje kome dit at vi har fått moglegheit til å forsere prosjekt som har ligge i planen.
