Atle Hamar
Dette vil styrke fagmiljøet og gje ei meir effektiv drift, seier administrerande direktør i Lotteri- og stiftingstilsynet, Atle Hamar.
Fleire statlege etatar i Førde har no gått saman i ei prosjektgruppe for å diskutere moglegheitene for å samlast i eitt og same hus. Gruppa vil kome med eit framlegg til løysing i løpet av neste år, opplyser Hamar.
Kostnadssparande
Etatane det gjeld er Noregs Vassdrags- og Energidirektorat, Lotteri- og Stiftingstilsynet, Landbruksavdelinga til Fylkesmannen, Sunnfjord og Ytre Sogn jordskifterett, Sunnfjord Likningskontor og Førde Trygdekontor. Desse etatane har til saman omlag 150 arbeidtakarar, opplyser Hamar. Han trur ei samlokalisering vil vere kostnadssparande.
Kvar eit Statens Hus skal ligge i Førde, har ein førebels ikkje tatt stilling til. Hamar trur eit Statens hus kan gjere det lettare å få fleire statlege etatar til Førde i framtida.