Kjerpeset nådde i går sesongmålet sitt då han tok seg vidare til finalen, men sa då at han hadde store planar om å klare å ta medalje. Det klarte han ikkje, og hamna som nummer sju av dei åtte løparane i finaleheatet.
Men med nok ei god tid heng ikkje 21-åringen med hovudet. Han sprang nemleg endå fortare i finalen med tida 50,01, ni hundredelar betre enn tida frå semifinalen.
– Eg er veldig nøgd. Eg gjer mitt livs beste løp i ein finale, og endå ein gong har eg ei god tid, seier Kjerpeset til NRK.
- LES OGSÅ:
Gjorde jobben godt
Florøværingen seier det sjølvsagt er synd at han ikkje klarte å ta medalje, men at så lenge han utfører arbeidsoppgåvene på ein god måte er han nøgd med innsatsen.
– Hadde eg gjort eit dårleg løp hadde eg vore midnøgd, men eg heldt hovudet kaldt i ein pressa finalesituasjon. Eg må ta med meg det positive, seier Kjerpeset.
Vinnaren var serbiske Emir Bekric. Han sprang i mål på tida 48,76. Det er godt over eit sekund betre enn tida hans frå semifinalen som var 49,83.
Vil prøve å nå VM-kravet
For Kjerpeset sin del er planen no å ta det med ro nokre dagar. For å springe 400 meter hekk tre gonger på tre dagar, det er tungt. Men så er det tilbake til jobb igjen.
– Eg er berre tre hundredelar unna VM-kravet, og det er to veker til det kravet går ut. Så eg må sjå framover og prøve å finne eit stemne der eg kan prøve å nå det kravet, seier han.
VM-kravet er på 49,60.
- LES OGSÅ: