Når kommunestyret handsamar saka neste fredag, er Jan Asle Rustøen (H) mellom dei som hallar mot å røyste noko anna enn det knappe fleirtalet blant innbyggjarane.
- Les også:
– Eg har stor respekt for folkerøystinga, og er av dei som har støtta at den skulle gjennomførast. Men eg meiner folkerøystinga vart slik at den ikkje gav fleirtal verken for det eine eller det andre, seier han.
Vil røyste ja
Rustøen er slettes ikkje åleine om å telje på knappane ei veke etter at fleirtalet av innbyggjarane
. Men det var men knapp margin. Berre 112 røyster skilde nei frå ja.- Les også:
Formannskapsmedlem Bjarte Gangeskar (V) har alt bestemt seg for å halde på sitt ja-synspunkt.
– Eg har vore for samanslåing heile vegen og meiner at det er det beste for kommunen, seier han.
– I kor stor grad meiner du ein skal ta omsyn til at det trass alt var eit fleirtal som røysta mot?
– Ein skal alltid høyre på gode råd, og eg meiner at det rådet vi fekk gjennom folkerøystinga ikkje er eit godt råd og det er heller ikkje eit veldig klart råd.
KrF truleg splitta
I KrF-leiren er tvilen derimot stor. Gruppeleiar Svein Ottar Sandal kan ikkje love at det nest største partiet i kommunen står samla om å følgje rådet frå innbyggjarane.
Samstundes vedgår han at det er eit dilemma å røyste på tvers av fleirtalet i ei folkerøysting.
– Ei rådgjevande folkerøysting betyr at kommunestyret skal vurdere dette ut frå heilskapen. Det er i alle fall ein del som tenkjer at det store mindretalet i Gloppen bør synleggjerast vidare i saka, seier han.
Ja-ordførar røystar nei
Sjølv om tvilen er stor blant politikarar, går det likevel mot eit nei-fleirtal også i kommunestyret. Fungerande ordførar Magni Aa Berge (Sp) var før røystedagen ihuga ja-tilhengar.
- Les også:
No er ho like klar på at det er uaktuelt å trasse fleirtalet blant innbyggjarane.
– Jobben med å sy saman to kommunar er kjempestor og utfordrande, og det trur eg kunne gått fint med Eid og Gloppen dersom vi hadde hatt fleirtal for det, seier ho og legg til:
– Å tvinge igjennom ei kommunesamanslåing når fleirtalet av politikarar og folket er i mot, trur eg er ein dårleg start for prosessen.