Etter berre ti minuttar i lufta fekk kapteinen varsel om røykutvikling i lasterommet.
Dermed returnerte flyet, med 17 passasjerar og besetning på tre personar, til Gardermoen.
- LES OGSÅ:
– Flyet returnerte med ein gang, og vart møtt av teknikar som sjekka flyet. Alt tyder på at det var indikasjonsfeil, seier informasjonssjef Silje Brandvoll hos Widerøe.
Skulle til Bergen
Flyet skulle ha landa i Førde klokka 1842, og skulle etter planen gått vidare til Bergen eitt kvarter seinare. At flyet igjen står i Oslo betyr at også avgangen til Bergen blir forseinka.
Det heile skal ha gått utan dramatikk og etter det NRK kjenner til var det verken panikk eller røyk i kabinen.
Passasjerane får no høve til å stille spørsmål om hendinga.
- SJEKK: Er flyet ditt i rute
– Flyet blir no sjekka ut, og dersom det er greitt vil same fly ta opp att ruta. Om flyet skulle stå lenge på bakken, så blir passasjerane booka om på andre fly, seier Brandvoll.
