Hetta var stramt snøra kring ansiktet. Elles var han kledd i mørke klede. Han er mellom 20 og 30 år, og er omlag 1,80 høg.
Foto: Heidi Lise Bakke
Tredje rekonstruksjon
Opplysningane om den nye observasjonen kom fram då politiet for tredje gang i dag gjennomførte ein rekonstruksjon i samband med drapet på Anne Slåtten. Ein syklist, som melde seg for politiet i førre veke, skal ha sett mannen i hettegenseren klokka 8.35 måndag den 7. juni - morgonen etter drapet, men før Slåtten vart funnen av politiet.
Politiet er interessert i kome kontakt med personen, men også andre som har passert Angedalsvegen mellom 08.00 og 09.00 den 7. juni.
Det er snart to månadar sidan Anne Slåtten vart funnen drepen i skogholtet ved Angedalsvegen.