Lensmann i Vågsøy, Tormod Hvattum, seier til Bergens Tidende at dei held spørsmålet om den danske legen (46) sovna bak rattet heilt ope.
Føremiddagen skjærtorsdag omkom ei 49 år gamal seksbarnsmor i den veldige frontkollisjonen på riksveg 15 i Vågsøy. Føraren av den andre bilen, ein dansk vikarlege vart alvorleg skadd, medan den mannlege passasjeren i den omkomne sin bil kom frå det med mindre skader.
- LES OGSÅ:
- LES OGSÅ:
Etterforskinga så langt tyder ifølgje Vågsøy-lensmannen på at det var bilen til legen som kom over i motgåande køyrefelt. Asfalten på ulukkesstaden var tørr, og politiet har ifølgje Bergens Tidende ikkje funne bremsespor etter nokon av dei to involverte bilane.
Kort tid etter ulukka kverrsette politiet førarkortet til 46-åringen. Dei har to gonger prøvd å avhøyre han, men skal ha gitt opp på grunn av skadane han har, skriv Bergens Tidende.
- LES OGSÅ:
Hvattum seier til avisa at legen skal ha kome rett frå nattevakt på den interkommunale legevakta på sjukehuset i Eid. Kommunalsjef Rune Engeseth i Eid kommune kan ikkje svare avisa på om vakta legen hadde hatt var på ti eller 24 timar.