Selskapet hadde det lågaste av ti tilbod då anbodskonkurransen vart avslutta.
Strabag er den største entreprenørverksemda i Austerrike, og ein av dei største i Europa med sine nær 80 000 tilsette.
- Les også:
– Det var mange gode tilbod, men Strabag vann på lågaste pris. Vi ser fram til eit godt samarbeid med entreprenøren på strekninga, seier prosjektleiar Odd Erik Haugen i Statens vegvesen.
Entreprenørane som var med i kampen har ti dagar på seg på å klage tildelinga. Arbeidet kan ta til når kontrakten er signert og samhandlingsfasen gjennomført.
Frå før er 11 kilometer med ny veg mellom Borlaug og Smedalsosen. Vegen vart opna i 2014. Framleis føregår det arbeid får Tyinkrysset til St. Thomaskyrkja.
- Les også:
Delstrekninga Øye–Eidsbru er den austlegaste biten på E16 Filefjell. Ny trasé tek av frå eksisterande E16 ca. 1,5 km aust for Øye kyrkje, går opp og bak busetnaden i Øye og inn i ein to km lang tunnel litt aust for elva Rødøla. Den nye vegen kjem inn att på eksisterande E16 ved Strøndafjorden like nord for Eidsbru.
