Med 141 kilo i rykk, og 187 kilo i støyt viste Sindre Rørstadbotnen solid form.
Konkurransen var berre hans andre sidan han bestemte seg for å ta kampen med kiloa, og gå opp ein vektklasse.
- Les også: Han er klar for sitt andre EM i år
– Fem godkjende løft i eit EM, pers med åtte kilo totalt og ei topp fem-plassering. Eg kan ikkje vere anna enn nøgd. Spesielt når eg kjenner at eg har alvorleg mykje meir å gå på, strålar naustedølen.
– Eg var brutal i dag
Rørstadbotnen imponerte sportssjef Arne Grostad i Vektløftarforbundet. På forbundet sine nettsider skriv Grostad at han aldri har sett naustedølen så bestemt og konsekvent som i støyt.
Naustedølen persa seg med seks kilo i støyt og to kilo i rykk.
- Les også: Hoppar av landslaget for å satse åleine
– Eg var brutal i dag. Eg veit ikkje kva eg tenkte, men eg berre gjekk ut og gjorde det eg gjorde. Eg visste ikkje ein gong at det var 187 kilo på stonga. Eg var eit dyr, seier han og fortel at både ukrainarar og russarar såg seg nøydde til å skygge bane då ein naustedøl i fyr og flamme kom frå podiet etter rekordstøyten.
Stressar ikkje med EM
Resultatet i Klaipeda heldt ikkje til å kvalifisere seg for EM på heimebane. Til det mangla det nokre få poeng. Utan at det bryr Rørstadbotnen nemneverdig. For i Litauen var det berre best mogleg plassering det handla om.
- Les også: Jølstrajente nærmar seg EM-kravet
– EM-kravet har eg inne, så det stressar eg ikkje med. I rykk vart det bom på 143 kilo på grunn av ein liten teknisk feil, seier han og legg til:
– Hadde eg vore tre kilo lettare, så hadde eg klart det. Men no har eg hatt to konkurransar i denne klassa og persa begge gonger. Eg har aldri kjent det slik før. Det er utruleg motiverande.
- Les også: Difor er meisterskapen alfa og omega
– Med tanke på prosessen du har vore gjennom for å gå opp ein vektklasse, så er vel dette gode svar å få?
- Les også: Skal bli ti kilo tyngre for å nå draumen
– Heilt klart. I det siste har eg budd i ein hall i Tønsberg og budd meg til dette. Trent inni granskogen og hatt mykje ilt. Då er det herleg å få ei slik utblåsing.