Denne veka skreiv NRK at politiet i Bergen måtte stengje av russen sin samlingsplass i Hordnesskogen etter meldingar om valdtekt og neddoping av fleire jenter.
Det har gjort at mange er skeptiske til årets russ, meiner russepresident i Førde, Torine Ødven.
- Vakna livredd:
- Vi merkar at folk har sterke fordommar, det er leit.
- Verste russetid
Ifølgje politioverbetjent Bente Liland i Bergen sør politistasjonsdistrikt, er politiet i Bergen uroa for auka bruk av narkotika blant russen.
Også elevinspektør ved Sandsli vidaregåande skule, Stig Hammersland, er uroa.
Russepresidenten i Førde meiner hendingar i Hordaland og andre plassar i landet har ført til at førderussen blir møtt med fordommar dei ikkje kjenner seg igjen i.
- Mange trur vi driv med narkotika og anna tull. Eg syns det er kjipt at andre skal øydeleggje vår russetid når vi ikkje har gjort noko gale, seier Ødven.
RUSSESTYRET: Årets russ har oppført seg eksemplarisk, ifølgje regionlensmann Dag Fiske.
Foto: Russestyret Førde- Oppfører seg eksemplarisk
Regionlensmann i Sunnfjord, Dag Fiske, seier russen i Sunnfjord ikkje fortener eit dårleg rykte.
Så langt i år har ikkje russen vore innblanda i politisaker i regionen.
- Dei har oppført seg heilt eksemplarisk. Kansje betre enn nokon gong faktisk.
Også regionlensmann i Nordfjord, Tormod Hvattum, skryt av årets russ.
- Det har vore lite hendingar, og ikkje ein einaste narkosak, seier Hvattum.
- Det er dumt at vi får svi for andre sine handlingar, seier russepresident Ødven.
