– Slik det ser ut no, blir eg nok i Sogndal ut sesongen, seier Even Hovland.
Det internasjonale overgangsvindauget som gjer at spelarar kan byte klubb opna 1. august og stenger 31. august.
- LES OGSÅ:
Innstilt på å gjere jobben for klubben
Sogndal har allereie avvist to bod på den 22 år gamle midtstopparen. Molde og den engelske championship-klubben Crystal Palace har begge vore inne med bod på mellom to og tre millionar kroner – og fått nei av Sogndal.
– Eg tenkjer ikkje så mykje på det. Eg har ein jobb å gjere på bana for at vi skal behalde plassen – og den er eg innstilt på å gjere, seier Hovland.
– Kva tenker du om måten Sogndal handterer boda som har kome på deg?
– Dei handterer det slik dei vil, og det kan ikkje eg gjere så mykje med. Eg har jo ein draum om å komme meg vidare ein gong, men eg må halde meg til om dei ønskjer å selje eller ikkje.
- LES OGSÅ:
- LES OGSÅ:
Trur han bli i klubben til nyttår
Sogndal sitt prisforlangande på Hovland ligg etter det NRK forstår mellom fem og seks millionar kroner til ein norsk klubb – og mellom åtte og ti millionar til ein utanlandsk.
Så langt har ingen klubbar vore i nærleiken av slike summar. Dermed trur Hovland at han blir verande i Sogndal til nyttår, sjølv om det framleis er eit par veker att av overgangsperioden.
– No er klubben i ein situasjon der alt handlar om å berge plassen i eliteserien, seier Hovland og godt at han sjølv er ein svært viktig spelar i den kampen.
(Artikkelen held fram under biletet)
Må først og fremst bli frisk
– Korleis er forholdet ditt til Sogndal-leiinga?
– Eg har ingen problem med dei førebels.
– Kan det bli problematisk?
– Det trur eg ikkje. No må eg berre prestere godt, og først og fremst bli frisk, seier han.
- LES OGSÅ:
Framleis usikker til Start-kampen
Sportsleg leiar i Sogndal, Trond Fylling, har offentleg lova at når sesongen er omme så skal Hovland få gå til ein større klubb. Det løftet reknar Holand med at klubben held.
– Ja, då får det vere nok. Eg drøymer om å komme meg ut, og vi har yngre spelarar bak meg som vil ta plassen min, seier Hovland.
Det er framleis ikkje sikkert at Hovland blir speleklar til Sogndal sin viktige botnkamp mot Start komande søndag. Han har vore ute med skade i dei to siste seriekampane.