Dersom styret i Helse Førde legg ned Ungdomspsykiatrisk Avdeling på fredag, har Helse Bergen berre to plassar å tilby dei aller sjukaste ungdomane.
- FØLG:
- Utover det, så er det vanskeleg for oss å framskaffe kapasitet, seier divisjonsdirektør Hans Olav Instefjord i Helse Bergen.
Manglar psykolog
Mangel på ein barne- og ungdomspsykiater er Helse Førde sitt hovudargumentet for å kjøpe plassar og sende pasientar til Bergen. Men stillinga har ikkje vore lyst ut.
- LES OGSÅ:
Instefjord meiner bestemt at det skal vere mogleg å få fagfolk til Sogn og Fjordane.
- Det burde absolutt vere mogeleg for Sogn og Fjordane å sikre seg nokre av kandidatane som blir utdanna, seier han og trur uro kring avdelinga medverkar negativt alternative søkjarar.
(Artikkelen held fram under TV-innslaget)
Skeptisk psykolog
Avdelinga vart oppretta i 2006 og har slite med stabil bemanning. Framlegget om å legge ned tilbodet blir møtt med sjokk på avdelinga med åtte sengeplassar.
- HØYR:
Psykolog Maria Naustdal Bergsholm, som jobbar på ungdomsavdelinga, er svært skeptisk til ei nedlegging.
- Ein misser nærleiken og oppfølginga i høve pårørande og foreldrearbeid blir veldig vanskeleg med den lange distansen, meiner ho.
- Bør bli som i dag
Både tilsette, fagfolk og ungdomane sine eigne representantar har gått kraftig ut mot framlegget om å legge ned avdelinga.
Samstundes som administrasjonen i Helse Førde føresler å legge ned avdelinga, ynskjer dei også å oppretta nye plassar for dei meir akuttsjuke ved distriktspsykatriske sentera i Sogndal og Nordfjordeid.
Divisjonsdirektøren i Bergen meiner det beste alternativet er å la avdelinga leve vidare slik at psykisk sjuke born og unge får bli i Førde.
- Eg trur ikkje at det er nokon som er i tvil om at det fagleg beste tilbodet er vidareføring av dagens organisering, seier han.
