Korte nyheter

  • Omikron-njoammumat Norggas

    Norggas lea duođaštuvvon nuppástuvvan koronavirus omikron-njoammumat. Øygarden gielddas lea guokte njoammuma duođaštuvvon. Dát guovttis leaba Norgii boahtán Mátta-Afrihkas skábmamánu 20. beaivve. Maiddái Oslos lea guokte omikron-njoammuma ja soai leaba maid Norgii boahtán Mátta-Afrihkas. Guktot leaba karantenahotellas. Ovttasge dáid olbmuin eai leat garra dávdamearkkat.

  • Dihtet siva buohcamiidda

    Leat máŋga siva dasa go bargit buohccájedje barggadettiin Márnuori tunneallas Skiervvás Romssas. Dan čájeha MESTA-raporta. Dálki, mohtorfievrruid boaldámušbázahusat ja maiddái guđe guovllus biekkai namuhuvvojit raporttas sáhttet leat sivat mirkkohuhttimii. Dan muitala Stáhta geaidnodoaimmahaga ossodatjođiheaddji Øyvind Strømseth. át dáhpáhus, mas gávcci bargi njille mirkkosuova, dat lea dahkan ahte dál leat bidjan gássamihtáriid tunneallaide gos olbmot lea bargamin.

  • Guovdageainnu skuvla gitta

    Guovdageainnu skuvla lea leamaš gitta vuossárgga rájes go čáhci lea golgan skuvlavisttis, Buollaša dihte ledje čáhcebohccit jikŋon ja čáhci lea golgan guovtti sajis. Skuvlla rektor Anna Margrethe Bæhr Hætta muitala skuvllas ii lean čáhci vuossárgga ja go ledje iskamin ášši, de golggai čáhci feaskkerláhttái. Sii sáddejedje mánáid de ruoktut, ja sii leat dássážii šaddan ruovttus bargat skuvlabargguid. Bæhr Hætta lohká sii sávvamis besset ihttin fas ráhpat skuvlla.

    Kautokeino skole
    Foto: Oddbjørg Hætta Sara / NRK