Sámediggedirektevra Inger Marit Eira-Åhrèn ja Nordkalottfolket Toril Bakken Kåven leaba soai geat tiniiga badjel millijovnna kruvnna diibmá.
Eanet politihkalaš ovddasvástádus gánnáhahtti
Maja Kristine Jåma gii dál lea nuppi áigodaga sámedikkis, tinii diibmá measta duppal eanet go 2019.
– Mus lea buoret bálká dál, danin go mus lea rievdan bargodilli ja lea eanet politihkalaš ovddasvástádus, čállá Jåma eposttas.
2019 barggai Jåma adjunktan Gråangke joatkkaskuvllas Trøndelága fylkagielddas gitta suoidnemánu 1.beaivve 2020 rádjai. Das maŋŋá álggii politihkalaš ráđđeaddin sámediggái. Ráđđeaddi barggus lei dasságo konstituerejuvvui ráđđelahttun dálá Sámediggeráđđái. Ja tienas lea maid dan mielde.