Hopp til innhold

Korte nyheter

  • Njoazes biilavuoddjit suhttadit

    Olbmot geat vudjet vuollel leahttoráji, suhttadit eará biilavuddjiid nu olu ahte sáhttet šaddat váralaš johtalusdáhpáhusat, nu čájeha Gjensidige iskkadeapmi. Iskkadeapmi čájeha ahte 65 proseantta norgga biilavuddjiin suhttet sidjiide geat vudjet vuollel leahttoráji. Dasa lassin leat čieža, logi olbmos vásihan váralaš dáhpáhusaid daid nu gohčoduvvon sotnabeaivvevuddjiid geažil. Nu čájeha iskkadeapmi maid Ipsos lea čađahan dáhkádusfitnodaga Gjensidige ovddas.

    Illustrasjonsbilde, kvinnelig bilfører
    Foto: Colourbox
  • Korona sáhttá leat sivalaš

    Koronapandemiija sáhttá leat sivalaš das go oahpaheaddjistudeanttalohku njiedja. Nu jáhkka Norgga árktalaš universitehta, UiT, oahpaheaddjioahpu ja pedagogihka instituhta jođiheaddji, Siw Skrovset. Vuollel bealli studeanttain geat ožžo oahpposaji čakčat, leat álgán ohppui. Skovset dieđuid mielde sáhttá dat olu digitálalaš oahpahus maid čađahedje pandemiijas, dagahan ahte unnit studeanttat dál háliidit šaddat oahpaheaddjit.

    digital undervisning
    Foto: Rahand Bazaz / NRK
  • Brasilas fertejit ođđasit jienastit

    Lulli-Amerihkás Brasilias ii oktage presideanttaevttohasain ožžon badjel beali jienain ja danne fertejit jienasteaddjit jienastit ođđasit dán mánu loahpas. Dan dieđihit Brasilia válgaeiseválddit, nu čállá ođasdoaimmahus Reutersa. Brasilia stuorámus TV-kanála Globo dieđiha ahte riika ovddeš presideanta Lula da Silva oaččui 48.2% jienain, presideanta Jair Bolsonaro 43.4% ja dalle ledje 99% jienain lohkkon. Ođđa jienasteapmi lea golggotmánu 30. beaivve.