NRK Meny
Normal

Åarjelsaemien hearra Bierna L Bientie orrije

Dah sov minngemes gyrkesjimmie goh åarjelsaemien hearra daelie åtna . Aavosne dah barkoe jaepieh åvteste. Minngemes hieljen dellie gyrkesjimmie Gaelpesne, Voengelh Njaarken giesie laantesne.

Bierna L Bientie

Gyrkesjimmie,Gaelpesne.

Foto: Elen Kristina Utsi / NRK

– Dah jaepieh hearrine barkeme, gaajh lustes jih aaj barkoes orreme jih åadtjodh almetjh gaavnedidh sårkosne, lyøvlehke jih lustebe gåessie geerjene, aavosne leah jeahta Bierna Leine Bientie.

Bierna Bientie
Foto: Eilif Aslaksen / NRK

Daelie retnon edtja båeries baalhkam åadtjodh dåastodh.Hearrine barkeme gellieh jaepieh. Sov teologije øøhpetimmiem lohki Menighetsfakultetesne Oslosne. Hearrine sjidti jaepien 1979. Daan mænngan akten jaepien Løddingesne barki eannan Raanesne, Noerhtelaantesne eelki. Desnie luhkie jaepieh barki. Daan mænngan Snåasese juhti.

Saemien gïelem lohkedh.

–Lustes jih daerpies lij jih åarjelsaemien gielem lohkedh. Nuepiem åadtjoejim jih akten jaepiem, Knut Bergslanden ektine saemien gielem lohkedh. Daan mænngan månnoeh Jahken elkien Anna bijbele teeksth, eelkigan åarjelsaemien gielese jarkoestidh. Dihte lij øøvre daerpies.

Åarjelsaemien hearra.

Luhkie tjijtje jaepieh åarjelsaemien hearrine barkeme. Jih guktie dah jaepieh orreme?

Daan sov jijnjh lustes mujhtesh åtnam. Muvhtene aejkien fuehpesne, bijre jarkan fealadidh, varkie mubpien sæjjan vuelkedh. Luste jijnjh almetjh gaavnedidh, gijhteles leam, dagkeres barkoem åtneme jeahta Bientie.

Jaepien 2007 dellie Bierna L Bientie akte dejstie vijhte hearrijste maam nommedehteme goh bïskohpe Nidaros Bispedømme. Idtji Bientie jijtje, sijhth bïspe sjidtedh.

Bijbele teeksth jarkoestidh.

Jienehke daejstie bijbele teekstide maam jijtje nuhtjeme tjoevereme jijtje jarkoestidh guktie dihte orreme?

– Vuajnam daerpies orreme. Vaenie salmh jih liturgie aaj saemien gïelesne. Daelie voestegh edtjem bijbele teeksti gujmie barkedh.

Noereh tjuerieh maadtoe aerpiem guedtedh.

– Gåessie manne noere lim dellie manne skaamasjim jih håjnoesne lim juktie ij dihte saemien åssjalommes jih vuekie vååjnh gænnah, laedtien raedtesne. Ij åadtjh maam saemieh bijre skuvlesne govledh jih lohkedh. Dah noereh daelie tjuerieh geerjene jih garmeres årrodh, saemieh leah jih daam maadth aerpiem guedtedh jeahta Biente.

Mietsken 3.b. lea Bierna L.Bientie ,Johkegaskesne daan sov minngemes gyrkesjimmie goh åarjelsaemien hearra. Daan raajeste aalka dihte orre åarjelsaemien hearra,Einar Bondevik, Raaneste.