Det kan fort bli dyrt å satsa på midtdelarar for å få ned talet på møteulukker i Rogaland.
– Berre på strekningen Arsvågen-Aksdal er prislappen ein milliard kroner, seier regionvegsjef Olav Ellevset.
Vegvesenet vurderer derfor andre og billegare tiltak for å betra trafikktryggleiken.
Les også:
Sinusfelt
Eit av tiltaka er såkalla sinusfelt. Dette går ut på at det blir frest spor midt i vegen. Desse spora lagar sterk lyd når bilen køyrer over i motsett køyrefelt.
– Tiltaket reduserer møteulukker med omlag 40 prosent, seier Svein Ringen i Veg- og transportavdelinga i Statens Vegvesen.
Blir prøvd ut i sørfylket
I dag blir sinusfelt prøvd ut på ein kort strekning på E39 i sørfylket og i ein noko lenger strekning i Hordaland. Men det er planar om meir.
– Det blir bygd sinusspor på strekningar på tilsaman drygt to mil på Vestlandet i år, seier Ringen.