– Det har vore så bra at det er vanskeleg å beskriva. Den har hjelpt meg utruleg mykje, seier Anne Lise Selbak om kolskofferten.
Selbakk ventar på å få nye lunger, og er ein av 250 pasientar som får behandling for kols i Rogaland.
– Trygt med kolskofferten
Kolskofferten er ei spesialbygd berbar datamaskin, kor pasientane kan kommunisera med helsepersonell via bilete og lyd direkte frå heimane sine.
Det har vore ein stor kamp for å bevara kolskofferten. 1. mars var det kroken på døra for heile kols-prosjektet. Men Helse Vest fann pengar i siste liten, og pasientane fekk behalda kolskofferten ut året.
Johannes Bergsåker Aspøy.
Foto: Øystein EllingsenNå ser det ut til at kofferten får endå lenger levetid ved Dalane distriktsmedisinske senter. Til glede for kolspasient Anne Lise Selbak.
– Det har vore så trygt å ha kofferten i heimen. Direktekontakten med helsepersonell har gjort livet lettare å leva medan eg har venta, seier ho.
Les også:
Positive erfaringar
I løpet av dei tre åra kolskofferten har vore i bruk har talet på sjukehusinnleggingar gått kraftig ned, fortel avdelingsoverlege Johannes Bergsåker Aspøy ved SUS, medisinsk divisjon, avdeling Dalane distriktsmedisinske senter.
– Ja, det er ein betydeleg reduksjon i talet på liggedøgn for kolspasientane, fortel avdelingsoverlegen.
Håpet er også å redusera talet på re-innleggingar på sjukehus. Dette for å spara både pasientane og helsevesenet.
Dette skal det forskast vidare på i det nye kols-prosjektet som etter planen skal starta frå 1. januar 2014.
– Me har søkt om forskingsmidlar til dette gjennom Helse Vest. Resultatet på søknaden får me i slutten av november, seier Bergsåker Aspøy.
