Leiinga ved Sørlandet sjukehus vil legga ned fødeavdelinga og akuttmottaket ved Flekkefjord sjukehus.
Helse Sør-Aust vurderer nå eitt stort sjukehus på Sørlandet. Dette vekkjer sterke reaksjonar heilt sør i Rogaland.
Rolv Lende.
Foto: Øystein EllingsenI ettermiddag går folk i fakkeltog for å behalda sjukehuset. Rolv Lende er rådmann i Lund.
– Forsvinn tilbodet, må me til Stavanger. Det tar ein og ein halv time med bil. Dei som bur ved Vest-Agder-grensa må heilt til Lillesand, noko som tar to timar, seier han.
LES OGSÅ:
– Viktig for oss i Lund
Berit Midtbøe Kopperud.
Foto: Øystein EllingsenSjølv om lokalsjukehuset i Flekkefjord ligg i Vest-Agder, er det svært viktig for mange rogalanedingar. 80 prosent av alle sjukehusinnleggingar frå Lund kommune går til Flekkefjord sjukehus, ifølge rådmannen.
– Sjukehuset i Flekkefjord har i alle år vore veldig viktig for folk i Lund. Derfor reagerer folk på at føden og akutten kan bli lagt ned, seier han.
Kvart år kjem om lag 400 barn til verda på fødeavdelinga i Flekkefjord. Mange i sørfylket vel å føda her i staden for på Stavanger universitetssjukehus.
– Gir tryggleik til fødande
Lokalsjukehuset i Flekkefjord er også viktig for folk i Eigersund og Sokndal. Også her mobiliserer dei før fakkeltoget og folkemøtet i kveld. Berit Midtbøe Kopperud tok initiativet i Sokndal.
– Sjukehuset i Flekkefjord gir tryggleik til dei fødande kvinnene i regionen. Fødeavdelinga er også kjent for svært høg kvalitet, seier ho.
Ordførar i Eigersund, Leif Erik Egaas, skal også gå i fakkeltog.
– Både fødeavdelinga og akutten i Flekkefjord er uhyre viktig, derfor støttar eg fakkelaksjonen fullt ut.
- SJÅ TV-REPORTASJE OM DEI SOM KJEMPAR FOR LOKALSJUKEHUSET:
