Strandbuen gjer det svært godt og har fått 4.000 fleire lesarar samanlikna med 2012. Det viser dei ferske lesartala frå TNS Gallup.
– Sjølv om ein skal ta desse tala med ei klype salt, fordi dei varierer ganske mykje frå måling til måling, ser me at papiravisa til Strandbuen dei siste åra har hatt ei positiv utvikling, kommenterer ansvarleg redaktør og dagleg leiar i Strandbuen, Gaute Henriksen, til eiga avis.
Gode tal for Karmøynytt
Avisa Karmøynytt, som er den leiande lokalvisa i Karmøy kommune, opplever også gode lesartal. Avisa går fram med 3.000 lesarar frå første til andre måling i år.
Lesartala for dei andre papiravisene i Rogaland bekreftar trenden som har rådd dei siste åra. Papiravisene taper, medan nett og mobil veks.
Ei av avisene som framleis slit er RA. Lokalavisa i Stavanger har nå 39.000 lesarar, mot 44.000 i 2012.
Haugesunds Avis har opplevd ein lesarsvikt på 4.000 det siste året, medan Stavanger Aftenbladet har ein mindre nedgang.
VIDEO: Strandbuen går mot straumen.
Nettauke
Det positive for dei store avisene i distriktet, er at alle opplever ein auke i lesartala på nett.
Aftenbladet har fått 11.000 fleire lesarar på nett det siste året, medan NRK Rogaland sine nettsider har meir enn dobla oppslutnaden det siste året.
