I dag flaggar dei på halv stong

– Me er ein liten kommune der alle kjenner alle, så dette er veldig trist dag for oss, seier Ordførar i Strand kommune, Irene Heng Lauvsnes (H).

I går fekk ho melding om at ein av dei omkomne i helikopterstyrten ved Turøy fredag kom frå Tau, og at ein annan kom frå Jørpeland i Strand kommune i Ryfylke. Ein tredje rogalending kom frå Sandnes.

• Les òg: 13 personer omkom i helikopterstyrt
• Les òg: Setter helikoptrene på bakken over hele verden

Sette kriseteam i beredskap før meldinga

– Me har mange offshore-arbeidarar her, så eg kjende det i magen med ein gong eg høyrde nyheita. Frykta var at det skulle vera nokon her frå, og me sette kriseteamet i beredskap før den triste meldinga kom, fortel ho.

Nå er det oppretta kontakt mellom kriseteamet og dei pårørande til dei omkomne.

• Les òg: Her var dei omkomne tilsette

Totalt var det 13 om bord i helikopteret, og alle omkom. I Strand flaggar dei i dag på halv stong med tanke på alle dei omkomne.

– Dette er trist for mange, ikkje berre i Strand. Eg har store medkjensle for familie og kjenningar av dei som er omkomne